Palazzo del Capitano o del Ridotto con annessa Torre Campanaria detta " E Campanòn"
Sôra la mi Cesèna u j è una stèla
ch'la brélla sö int e zìl töta par lì:
la è là drìa la Roca ad sintinèla
e la l'abèda intènt ch'l'ha da durmì
Dôrma, Cesèna,
u j è la tu stèla
ch'la t'fa la nàna
pianìn, pianìn.
Zétt, Campanòn,
fa pôca cagnèra,
stàm da sintì,
làssla durmì.
Sôra la mi Cesèna u j è la luna
ch'la s-cèra tött la pièna cumè 'd dé;
piö bèl dla mi Zità u ni n'è nisùna,
quènt la s'arpònsa a n'la duvì svigè.
Sopra la mia Cesena c'è una stella
che brilla su nel cielo solo per lei:
dietro la Rocca di sentinella
e che sorveglia coloro che devono dormire
Dormi, Cesena,
c'è la tua stella
che ti fa la ninna nanna
pianino, pianino.
Zitto, Campanone,
Fa poca confusione,
stammi a sentire,
lasciala dormire.
Sopra la mia Cesena c'è la luna
che illumina la pianura come fosse giorno;
più bella della mia città nessuna,
quando riposa non la dovete disturbare.