DIALETTO

L'è nèt un bel garôfan te Vietnàm
tra la macéria d'un Paés straziè,
l'è turnèd a sbuzzlè dòpa trènt'ànn
sôra agli òssi di mùrt abandunè.

L'ha ricupért al zèndri de napàlm,
i cratéri dal bòmbi ch'è scupiè,
tött al chèsi svantrèdi da i tirànn,
tött al tömbi dla zènta ch'i ha mazzè.

Zènta de mònd, sfrutéda e marturièda,
cujìl ste fiôr, purtìl in tött al ca',
mitìl in ogni via, in ogni strèda!

Tött quènt j imperialésta i tarmarà.
Ormai la fèn d'chi lùdar la è sgnèda:
j ha finì d'calpestè la Libertà!

ITALIANO

E' nato un bel garofano in Vietnam
tra le macerie di un paese straziato,
è tornato a sbocciare dopo trent'anni
sopra le ossa dei morti abbandonati.

Ha ricoperto le ceneri del Napalm,
i crateri delle bombe che sono scoppiate,
tutte le case sventrate dai tiranni,
tutte le tombe della gente ammazzata.

Genti del mondo sfruttate e martoriate,
coglietelo quel fiore, portatelo in tutte le case,
mettetelo in ogni via, in ogni strada!

tutti quanti gli imperialisti tremeranno.
Ormai la fine di quegli ingordi è segnata:
hanno finito di calpestare la Libertà!