Al fôji inzalìdi
dal piòpi
al s'è méssi a balè
la manfrìna
dla môrta:
al pè'
pavajòti imbarjìghi
ch'al s'stàca dai rèm,
Al sdöndla par l'ària
un momènt
ninédi da e' vènt
e al s'pòna
par tèra
sfinìdi.
Al piènti spujìdi
al trèma int e' frèdd
dla nèbbia giazzéda;
al stélla
dal pérli d'arzènt
ch'al chèsca int e vièl
e al bàgna la tèra
cmè al gözzli de piènt.
Le foglie ingiallite
dei pioppi
si son messe a ballare
la manfrìna
della morte:
sembrano
farfalle ubriache
che si staccano dai rami,
dondolano nell' aria
un momento
cullate dal vento
e si appoggiano
per terra
sfinite.
Le piante spogliate
tremano nel freddo
della nebbia ghiacciata;
stillano
delle perle, d' argento
che cadono nel viale
e bagnano la terra
come lacrime di pianto.