No fa chès, burdèll,
s'a m'a fìrum cmè un sciòch
a guardè,
tra al scarvàji dla tèra,
un fìl d'érba ch'l'arlùs
cun al pérli dla guàza;
s'a m'inchènt par dagli ôri
int l'ascôlt
dal cantèdi di gréll;
s'ta m'vì a böcca 'vérta
davènti a una rôsa sbuzzlèda,
a j öçç d'un babìn inuzènt,
a l'ôr di cavéll d'una dòna;
se dal vôlti a scàpp vìa,
a cavàl di pinsìr
int i tìmp chi è passè.
Un n'è ch'a n'm'impégna,
ch'u n'u m'pjìsa la lòta,
e' prugrès,
un n'è ch'a n'cundàna
al sturtùri dla vìta,
la viulènza,
i delétt...
L'è sôl
parchè quèst l'è e' mì mònd,
e l'è nénca e tu mònd
s'ta j a pìns;
l'è què ch'a m'ardùs ogni vôlta,
ch'u m'artôrna
la vòja ad campè.
Non farci caso ragazzino,
se mi fermo
a guardare,
tra i solchi della terra,
un filo d' erba che brilla
con le perle della rugiada;
se m' incanto per delle ore
ad ascoltare
il canto dei grilli;
se mi vedi a bocca aperta
davanti ad una rosa sbocciata,
agli occhi di un bambino innocente,
a l' oro dei capelli di una donna;
se a volte scappo via,
in groppa ai pensieri
dei tempi passati.
Non è che non mi impegni,
che non mi piaccia la lotta,
il progresso,
non è che non condanno
le storture della vita,
la violenza,
i delitti...
E' solo
perchè questo è il mio mondo,
ed è anche il tuo mondo
se ci pensi;
ed è qui che ritorno ogni volta,
e che mi torna
la voglia di vivere.