Note: La riproduzione dei file audio non è supportata per Internet Explorer 8 e versioni precedenti.
Se una brötta matèna
ta t'avéss da svigè a l'impruvìsa,
cun al ràfichi sèchi di mìtra,
cun i scöppi dal bòmbi
chi t'spàca la tèsta,
cun i rögg spavantè
dal pôr dòni,
cun e piènt disperè
di burdéll
e t'avdéss int al strèdi
scarriulè i carrarmè
e tött quènt la Zità
inglupéda int e föm
e int al fiàmbi...
Se t'avdéss triunfè
j assassèn e al spiàzzi
e scanè i galantöman
ins al pörti dal ca'...
E vrébb dì zertament
che sarébb arivàt
e piö brött di destèn,
ch'a saréssm a la fèn
par la tu Libertà.
Se una bèla matèna
ta t'avéss da svigè
cun la zènta
ch'la chènta pr'al strèdi,
cun al dòni ch'al rìd,
cun e pôpul in fèsta
e t'avdéss tött al fnéstri
imbandìdi d'bandìri
e i balcun tött fiurì
e t'savéss
che tött quènt e dé dòp
j ha da vnì a lavurè:
sfrutadùr e canàji,
vagabönd e padrùn;
e si t'géss
che l'è vnù la giustizia
par tött i purétt,
ch'l'è finì la miséria,
ch'u n'j è piö e sfrutamènt...
E vrébb dì
che int che dé banadètt
tött la zénta piö unèsta
la prapèra e triònf e la fèsta
par la tu Libertà.
Se una quèlca matèna
ta t'avéss da svigè
cum ta t'svégg tött i dé:
cun i prézz ch'j è carsù,
cun i böch
ch'i nn'è bun da fè gnént,
cun la zènta ch'lavôra
vilìda, scuntènta,
par la vita
ogni vôlta piö chèra
par l'avnì malsicùr,
cun i sgnùr
che j è sèmpra piö sgnùr,
e s't'vì al spìj e i magnàzza
no fè gnént tött e dé
e chi t'rìd int la fàzza
parchè t'vé a lavurè...
E s'ta t'lémit soltènt
a vdé al côsi ch'a n'va,
sènza fè un azidént,
sènza un pö d'volontà
ad cambì l'andamént:
e vô dì
che t'é pôch da sperè
par la tu Libertà.
Se una brutta mattina
ti dovessi svegliare all'improvviso,
con le raffiche secche dei mitra,
con gli scoppi delle bombe
che ti spaccano la testa,
con gli urli spaventati
delle povere donne,
col pianto disperato
dei bambini
e vedessi nelle strade
girare i carri armati
e tutta quanta la città
avviluppata nel fumo
e nelle fiamme...
Se vedessi trionfare
gli assassini e le spiacce
e scannare i galantuomini
sulle porte delle case...
vorrebbe dire certamente
che sarebbe arrivato
il più brutto dei destini,
che saremmo alla fine
per la tua Libertà.
Se un bel mattino
ti dovessi svegliare
con la gente
che canta per le strade,
con le donne che ridono,
col popolo in festa
e vedessi tutte le finestre
pavesate di bandiere
e i balconi tutti fioriti
e sapessi
che tutti quanti il giorno dopo
devono venire a lavorare:
sfruttatori e canaglie,
vagabondi e padroni;
e se ti dicessero
che è venuta la giustizia
per tutti i poveri,
che è finita la miseria,
che non c'è più lo sfruttamento...
Vorrebbe dire
che in quel giorno benedetto
tutta la gente più onesta
prepara il trionfo e la festa
per la tua Libertà.
Se un qualche mattino
ti dovessi svegliare
come ti svegli tutti i giorni:
con i prezzi che sono aumentati,
con i soldi
che non valgono nulla,
con la gente che lavora
avvilita, scontenta,
per la vita
ogni volta più cara
per l' avvenire malsicuro,
con i ricchi
che son sempre più ricchi,
e se vedi le spie e i magnaccia
non far niente tutto il giorno
e che ti ridono in faccia
perché vai a lavorare...
E se ti limiti soltanto
a veder le cose che non vanno,
senza fare un accidente,
senza un po' di volontà
di cambiare l' andamento:
vuol dire
che hai poco da sperare
per la tua Libertà.