DIALETTO

S'u s'atrôva dla zènta
ch'la m'stà sôra i marùn,
u n'impôrta chi m'sènta,
mo l'è prôpi i sburùn!

Ta j atrôv par la strèda,
int j ufìzi, int i bàr:
l'è bastènza un ucièda
par arcnöss sti sumàr.

Lö j è brév d'impartött,
lö j ha fàtt tött al scôli,
u i pjìs d'lès sôra tött,
d'galegiè cumè l'ôli.

Ma s'ut'pìs 'n'argumént
e ta i vôja andè in fònd,
ta t'n'incôrz ch'j è ignurént,
ch'lè i piö stöpid de mònd:

parchè lö j è sôl bùn
ad spudé dal sentènzi,
ad dì sôl di sfundrùn,
parulàzi e scemènzi;

ma un discôrs impurtènt
i nn'è bùn ad sustnél,
in capéss n'azidént
e s'i dscùrs in dà invéll.

Quènt i t'càpita atìr
no ti làssa scapè,
ciàpi bèn int e zìr,
tìni a lé, no i mulè:

ta i mitré in imbaràzz,
i n'savrà quéll che fè,
parchè al tèsti de càzz
a l'fa prèst a caschè.

No i dà trégua un momènt
e svargôgni int la piàzza
e se t'vì ch'j è ignurènt
u si dìs int la fàzza.

ITALIANO

Se c'è della gente
che mi sta sui maroni,
non importa che mi sentano,
ma sono proprio gli spacconi!

Li trovi per la strada,
negli uffici, nei bar:
è sufficiente un'occhiata
per riconoscere questi asini.

Loro sono bravi dappertutto,
loro han fatto tutte le scuole,
gli piace essere sopra tutti,
di galleggiare come l'olio.

Ma se ti piace un argomento
e hai voglia di approfondirlo,
ti accorgi che sono ignoranti,
e che sono i più stupidi del mondo:

Perchè loro sono solo capaci
di sputare sentenze,
di dire solo castronerie,
parolacce e scemenze;

ma un discorso importante
non riescono a sostenerlo,
non capiscono un accidente
e i loro discorsi non portano a nulla.

Quando ti capitano a tiro
non te li far scappare,
prendili ben in giro,
tienli li, non mollarli:

li metterai in imbarazzo,
non sapranno cosa fare,
perché le teste di cazzo
fanno presto a cascare.

Non dargli tregua un momento
svergognali in pubblico
e se vedi che sono ignoranti
diglielo in faccia.