DIALETTO

Sèmpra a t'ho vést in znòçç,
in cìsa, in ca',
tra la zènta,
sèmpra a preghè,
sèmpra a dmandè pardòn:
par i pché ta nn'é fàtt,
par la paura d'murì,
par e terrôr ad vìvar.

E tött i dé a ringraziè e Signôr,
apèna svégg,
prèma d'magnè,
d'lavurè,
d'indurmantèt.
In znòçç dé e nòta,
tött j ànn,
tött al stasòn,
tött la vìta...

E tött una:
un cancaràzz
u t'ha ciàpp int e fégat,
u t'ha rusghè pién pién
la chèrna,
agli òssi;
u t'ha 'rdött un'òmbra,
un relétt,
un fantèsma
inzalì da la terìzia.

E té, ancôra in znòçç,
a dì grèzia a e Signôr
par e bèn ch'u t'ha fàtt,
par e mèl ch'u t'ha mànd;
e a preghèl
ch'u t'fàzza una grèzia
un'ènta grèzia soltènt,
ch'u t'ciéma
in Paradìs dùv ch'l'è Lö,
par stè in znòçç
in etéran!

ITALIANO

Sempre ti ho visto in ginocchio,
in chiesa, in casa,
fra la gente,
sempre a pregare,
sempre a domandare perdono:
per i peccati che non hai commesso,
per la paura di morire,
per il terrore di vivere.

E tutti i giorni a ringraziare il Signore,
appena sveglio,
prima di mangiare,
di lavorare,
di addormentarti.
In ginocchio giorno e notte,
tutti gli anni,
tutte le stagioni
tutta la vita...

E ad un tratto:
un cancheraccio
ti ha preso nel fegato,
ti ha rosicchiato piano piano
la carne,
le ossa;
ti ha ridotto un' ombra,
un relitto,
un fantasma
ingiallito dall'itterizia.

E tu, ancora in ginocchio,
a dir grazie al Signore
per il bene che ti ha fatto,
per il male che ti ha mandato;
e a pregarlo
che ti faccia una grazia
un'altra grazia soltanto,
che ti chiami
in Paradiso dov'è Lui,
per stare in ginocchio
in eterno!