DIALETTO

Disméla, vèntméla , a ne so
in quènt ch'a sufràmi che dé:
tött quènt ch'a sàmi però
a cuntinuàmi a sperè
e fìna a l'ùltum minùt
a sàmi in pèna tött quènt,
tött a speràmi int l'aiùt
int e mirècul d'un sènt.

I zugadùr de Cesèna
j éra dvantè di leùn,
j éva cmanzè l'altalèna:
quèla ch'a vlàmi tött nùn.

« Fôrza, burdéll, fasìv sötta!
E Napoli ormai l'è sbandè!
Fôrza, dasìjla cla bòta!
Bsôgna ch'arvàma a parzè!

Dòpa che gòl imbezéll
j ha cmènz a dèz la vanèla:
i fa sunè i campanéll,
i s'mètt a balè a tarantèla!

Fôrza ch'a sàm a bòn pùnt!
Fôrza che l'arbitro e féss-cia!
Butìvi tött! Stasì prùnt!
Antrì tött quènt int la méss-cia! »

Toschi, Ammoniaci, Festa,
tött i s'impégna a l'atàc.
E Napoli e sbanda... u s'arèsta...
« Fôrza , butìjli int e sàc! »

Ecco: Brignani u s'fa sötta
cun un palòn misuré,
Bràjda u ti càzza una bòtta...
Ecco: l'è bèla che antrè!
« Gòl » a ruggésum tött quènt.
Acsé e finìva la pèna
e sudisfàtt e cuntènt
a fössm orgogliùs de Cesèna.

Mèntr'i tifùs d'Piedigròta
j avéva sméss ad fè i màtt,
j éra dvantè cmè l'arcòta,
j éra culôr d'cafèlàt.

Un' èntra vôlta, burdéll,
no stasì vnì qué in Rumàgna,
cun tött chi sélt da guréll,
cun töta quènta cla làgna.

Zarchì d'rastè te vòst pòst
e d'no fè tènt ziravôlti,
parchè a fè i cunt sènza l'òst
bsögna fèj sèmpar dö vôlti.

ITALIANO

Diecimila, ventimila, non so
in quanti soffrivamo quel giorno:
tutti quanti però
continuavamo a sperare
e fino all'ultimo minuto
eravamo in pena tutti quanti,
tutti speravamo nell' aiuto
nel miracolo di un santo.

I giocatori del Cesena
erano diventati dei leoni,
avevano incominciato l'altalena:
quella che volevamo tutti.

« Forza ragazzi, fatevi sotto!
il Napoli ormai è sbandato!
Forza, dategliela quella botta!
Bisogna che arriviamo a pareggiare!

Dopo quel goal imbecille
han cominciato a darci la baia:
fanno suonare i campanelli,
si mettono a ballare la tarantella!

Forza che siamo a buon punto!
Forza che l' arbitro fischia!
Buttatevi tutti! State pronti!
Entrate tutti quanti nella mischia! »

Toschi, Ammoniaci, Festa,
tutti s' impegnano nell'attacco.
Il napoli sbanda... si arresta...
« Forza, buttateglielo nel sacco! »

Ecco: Brignani si fa sotto
con un pallone misurato,
Bràida ci caccia una botta...
Ecco: e bell'entrato!
« Gòal » Urlammo tutti quanti.
Cos' finiva la pena
e soddisfatti e contenti
fummo orgogliosi del Cesena.

Mentre i tifosi del Piedigrotta
avevano smesso di fare i matti,
erano diventati come la ricotta,
erano color caffelatte.

Un' altra volta, ragazzi,
non state a venire qui in Romagna,
con tutti quei salti da gorilla,
con tutta quella lagna.

Cercate di stare al vostro posto
e di non fare tante capriole
perché a fare i conti senza l' oste
bisogna sempre farli due volte.