Dal vôlti u m'pè,
quànt a lèzz una una stôria,
quànt i m'arcôrda un fàtt,
ad 'vé sèmpra campè
e che a l'impruvìsa
u m'tùrna int la memôria
una rasòn precisa
ad tött i chès dla vita.
U m'pè d'l'ès vissù
int i sìcul passé,
a dvé fàtt pèrta
ad tött agli aventùri
che j öman j ha sufért
ad 'vê pianzù
par tött al sgrèzi
ch'a gli ha marzè la tèra,
ad l'èsum inligrì
par tött al cuntantèzzi
ch'a gli ha inligrì la zènta.
A créd d'l'ès stè presènt
quante j öman ancôra
j éva da cumparì sôra sté mònd.
U m'da l'impressiòn
ad 'vé fatt pèrta
ad cla matéria
ch'la cumpôn l'Univérs
da sèmpra!....
....ancora prèma
che Dio u la ramassèss,
che Dio u la mittés in muvimènt,
che Dio e spargujéss
int cla gran cunfusiòn
al prèm smènti dla vita.
E a so guàsi sicùr
ch'a i sarò sèmpra:
fina a quand che un a stèla
la brilarà int e zìl,
fina quand che un garnèll
ad matéria
e sarà int l'Univers...
...e nènca dòpa,
quànte Dio e guastarà
tött gniaquèll:
parchè me a sarò ancôra
una pécula pèrta
dla Sù volontà
ch'la finéss solamént
par cmanzè un ènta vôlta.
Delle volte mi sembra,
quando leggo una storia,
quando mi raccontano un fatto,
di aver sempre vissuto
e che d'improvviso
mi torni alla memoria
una ragione precisa
di tutti i casi della vita.
Mi sembra di essere vissuto
nei secoli passati,
e di aver fatto parte
di tutte le avventure
che gli uomini hanno sofferto
di aver pianto
per tutte le disgrazie
che hanno amareggiato la terra,
di essermi rallegrato
per tutte le felicità
che hanno rallegrato la gente.
Mi sembra di essere stato presente
quando gli uomini ancora
dovevano comparire su questa terra
Ho l' impressione
di aver fatto parte
di quella materia
che compone l' universo
da sempre!....
....ancor prima
che Dio la raccogliesse,
che Dio la mettesse in movimento,
che Dio spargesse
in quella grande confusione
i primi semi della vita.
E son quasi sicuro
che ci sarò sempre:
fino a quando una stella
brillerà nel cielo,
fino a quando un atomo
di materia
sarà nell' universo...
...e anche dopo,
quando Dio distruggerà
ogni cosa:
perché io sarò ancora
una piccola parte
della sua volontà
che finisce soltanto
per cominciare un' altra volta.