DIALETTO

Predicaziòn

L'éva détt a la zènta:
"A v'zùr sôra e mi Ba,
e a vöj che tött i m'sènta,
che ad stì sgnurùn ch'è qua
ad dèntra e Paradìs
u n'j è nissùn ch'a i va."
E pöpul l'ascultèva
quel ch'géva e Nazarén
e quante Lò e parlèva
tött i batéva al mèn.
Sôl i sgnùr i tarmèva:
par lô' u n'scurìva bèn.

E par l'ès piö precìs,
ch'u ni föss malintìs)
e purtè un paragòn
ch'j arvanzè tött ad giàzz:
"L'è piö fàzil, puràzz,
che un camèl de desért
e pàssa int e bùs vért
d'un ègh da mataràzz
che un ad sti sgnuràzz
e vàga in Paradìs
par tött l'eternità.
E sicòm la nn'è giösta
che i prìt i mercantèzza
dèntra la Chèsa ad Dio
al Tèvuli dla Lèzza:
a v'zùr prôpi dabòn
ch'a ciàpp int una frösta
e a i dàgh una leziòn!"
Acsé, tött quènt la zènta
i curìva a santìl:
j öman cun la sperènza,
i véçç par banadìl,
e cal dòni, int e vdél
acsé bèl e zantìl,
al pighìva i su znöçç,
i burdéll i s'spicèva
int e cèr di su öçç...

Par un pôpul cmè quéll,
pìn ad fèma e d'miséria,
cun i sgnùr ch'i l'sfrutéva,
cun i prìt ch'i l'udièva,
un Signôr che dscuréva
ad amôr, d'fratelénza
l'éra un gran vénimént,
l'éra un fìl ad sperènza
par un quèlch cambiamènt.

Passiòn

« Na matèna d'Avrìl
quant l'antrè 't la Zità
a cavàl d'un sumàr,
tött e pôpul quant'l'éra
u l'purtètt in triònf
e parfìna la séra
i durètt a rugié:
« Viva Crést, Bàss i prìt,
Viva Crést, Bàss e Rè,
Bàss i sgnùr, Viva Té! »

Int al chèsi di sgnùr,
int la règgia de Rè,
j éva ciàpp i dulùr,
j éva cmènz a tarmè.
Nènca i prìt j éva ciàpp
una gran tarmarèla
e j avéva una fìfa
ch'u l'sa la mastèla!
I pansèva tött quènt:
« Se e pôpul l'ha rött,
la va fnì che ste Crèst
u z'fa föra ma tött ».
Da che dé ij la zurè,
e i tachè a caluniél,
e j andè dai purétt
a cmanzèj a dì d'mèl.
E sicöm chi cnuséva
l'ignurènza dla zènta,
in puch dé j arivètt
a fè quéll ch'j éva détt.
Parchè bsögna savè
che ènca alôra, cmè ozzdé,
piö busìj ta i dì,
piö la zènta la t'créd:
l'è un bisögn ch'l'è sintì
quéll ad créd in quèlch quèll,
specialmént pö s'u n's'véd,
tènt e piö s'l'è irreèl.

Fat e sta che una séra
Gesö Crést u s'n'adè
ch'u j avéva tött còntra
e u n'savéva e parchè:
L'éva còntra la Cìsa,
l'éva còntra i purétt,
l'éva còntra j amìgh
ch'i l'guardèva in suspètt;
e int e zìr d'l'amicizia,
u n'j è bsögn gnènca ad dìl,
u j éra un s'la malìzia,
ch'léra prònt par tradìl:
e la séra piö brötta
ch'i l'purtèva a e mazzèl
sènza inciùna vargôgna,
l'étt curàgg ad basèl!...

Acsé Crést e finétt
int al mèni di Bôja,
chi l'armnè in tött i mùd
cmè u s'arména la spôja,
ij dasé un sac ad bòti,
i l'insté da pupàzz,
il purtè avènti e pôpul
arviné cmè un sangvnàzz
e cla zènta che prèma
la l'avéva indurè
l'éra dvènt una bélva,
l'éra un brènch d'sciagurè.
Cumè un brènch d'animèli
i rugìva a gran vôsa
ch'il duvéva mazzè
cruciféss int la crôsa.

Fina quànd ch'i n'pruvè
ènca l'ùltum martìr,
fina quànd ch'i n'sinté
tiré l'ùltum suspìr,
i j un fàsé d'ogni ràzza,
i l'cmanzètt a tö in zìr,
i j spudètt int la fàzza
e cmè bess-ci immatìdi
i l'impìva ad ferìdi.
U j fö nènch un vigliàch
(che dà sgöbit ancôra)
ch'u i cazzè una curtlèda
ch'l'éra mört 'lôra 'lôra.
E Lò, intènt che murìva
e un n'avéva piö fiè
e parghèva e su Ba
ch'u j avéss pardunè.

Resureziòn

Té, Signôr, t'é fàtt bèn
a fè tött quèl t'é fàtt,
e pö te ta l'savéva
che e tu Ba u t'arvivéva:
parchè dòp, par tri dé,
cum la è, cum la nn'è,
u s'scurè tött e zìl,
al muntàgni al tarmè
e una bèla matèna
t'arturnè cumè prèma.

Ma da quànt t'cì mört Té,
ch'l'è doméla e piö ànn
u j n'è mört ad chi crést
sötta i pìa di tiànn!
E no t'créd che i turmènt
t'jépa pàss adchè Té,
u n'j è bsögn ch'a te dégga,
Gesö Crést, Te ta l'sé:
egoésta e ignurént
i n'ha fàtt di mazéll,
cun e sàngv di purétt
j ha inlurdè tött gniaquèll
e i delétt e al turtùri
al cunténua ènca adèss
e u s'amàzza la zènta
par che spôrch dl'intarèss.

L'éra mèj se cla vôlta
T'la faséva finìda,
se ma tött cla zantàzza
ta l'avéva punìda!
Se ogni vôlta che un öman
l'assasséna un fradèl
ta l'faséss murì söbit
prèma ch'l'élza e curtèll!
Se ogni vôlta che nàss
un s-cianàzz dilinquént
ta l'faséss andè d'bòta
int e mèzz de campsént!

Ma sicöm t'cì tròp bòn
'sti lavùr ta ni fé.
...A farém da par nun,
se ta z'dé e tu paré:
còntra l'ôdi, la guèra,
còntra al jéni e i leùn,
a unirém al nòst fôrzi,
a n'farém piö i quajùn
E se lôr i s'intènd
ad mandèz a l'arvèna...
...e si vô de nòst pèl...
i z'darà dla su lèna!

ITALIANO

Predicazione

Aveva detto alla gente:
"Vi giuro su mio padre,
e voglio che tutti mi sentano,
che di questi ricconi che son qua
dentro al Paradiso
non c'è nessuno che ci va."
Il popolo ascoltava
quello che diceva il Nazzareno
e quando Lui parlava
tutti gli battevano le mani.
Solo i ricchi tremavano:
per loro non parlava bene.

E per essere più preciso,
(che non ci fossero malintesi)
portò un esempio
che restarono tutti sbalorditi:
"E' più facile, poveraccio,
che un cammello del deserto
passi per la cruna
di un ago da materassi
che uno di questi signoracci
vada in Paradiso
per tutta l' eternità.
E siccome non è giusto
che i preti mercanteggino
dentro la casa del Signore
le Tavole della Legge:
vi giuro proprio davvero
che prendo in una frusta
e do loro una lezione!"
Cos' tutta quanta la gente
correva a sentirlo:
gli uominicon la speranza,
i vecchi per benedirlo,
e le donne, nel vederlo
così bello e gentile,
piegavano i loro ginocchi,
i ragazzi si specchiavano
nel chiaro dei suoi occhi...

Per un popolo come quello,
pieno di fame e di miseria,
con i signori che lo sfruttavano,
con i preti che l' odiavano,
un Signore che parlava
di amore e fratellanza,
era un grande avvenimento,
era un filo di speranza
per un qualche cambiamento.

Passione

« una mattina d'Aprile
quando entrò in città
a cavallo di un asino,
tutto il popolo quant'era
lo portò in trionfo
e fino a sera
continuarono ad urlare:
« Viva Cristo,abbasso i preti,
viva Cristo, abbasso il Re,
abbasso i signori, viva Te! »

Nelle case dei ricchi,
nella reggia del Re,
avevan preso i dolori,
avevan cominciato a tremare.
Anche i preti avevano preso
una gran tremarella
e avevano una fifa
da non dirsi!
Pensavano tutti quanti:
« Se il popolo ha rotto,
va a finire che questo Cristo
ci fa fuori tutti ».
Da quel giorno gliela girarono,
e cominciarono a calunniarlo,
e andarono dai poveri
a dipingerlo malamente.
E siccome conoscevano
l' ignoranza della gente,
in pochi giorni arrivarono
a far ciò che si erano proposti.
Perchè bisogna sapere
che anche allora, come oggi,
più bugie gli dici,
più la gente ti crede:
è un bisogno che è sentito
quello di credere in qualche cosa,
specialmente poi se non si vede,
tanto più se irreale.

Fatto sta che una sera
Gesù Cristo si accorse
che li aveva tutti contro
e non sapeva il perchè:
Aveva contro la Chiesa,
aveva contro i poveri,
aveva contro gli amici
che lo guardavano con sospetto;
e nel giro degli amici,
non occorre neanche dirlo,
c'era uno in malafede,
che era pronto a tradirlo:
e la sera più brutta
che lo portavano al supplizio
senza alcuna vergogna,
ebbe il coraggio di baciarlo!...

Così Cristo finì
nelle mani del boia,
che lo sbatterono in tutti i modi
comi si sbatte la sfoglia,
gli diedero un sacco di botte,
lo vestirono da pupazzo,
lo portarono davanti al popolo
rovinato come un sanguinaccio
e quella gente che prima
l' aveva osannato
era diventata una belva,
era un branco di sciagurati.
Come un branco di animali
urlavano a gran voce
che lo dovevano uccidere
crocefisso sulla croce.

Fino a quandonon provarono
anche l' ultimo martirio,
fino a quando non sentirono
esalare l' ultimo respiro,
gliene fecero di tutti i colori,
cominciarono a prenderlo in giro,
gli sputarono in faccia
e come bestie impazzite
lo riempirono di ferite.
Ci fu anche un vigliacco
(e fa ribrezzo ancora)
che gli diede una coltellata
che era appena morto.
E Lui, intanto che moriva
e non aveva più respiro
pregava suo Padre
che li avesse perdonati.

Resurrezione

Tu Signore hai fatto bene
a fare tutto quello che hai fatto,
e poi tu sapevi
che tuo padre ti resuscitava:
perchè dopo,per tre giorni,
come fu, come non fu,
si oscurò tutto il cielo,
le montagne tremarono
e una bella mattina
ritornasti come prima.

Ma da quando sei morto Tu,
che son duemila e più anni
ne son morti di quei cristi
sotto i piedi dei tiranni!
E non credere che i tormenti
li abbia passati solo Tu,
non c'è bisogno che te lo dica,
Gesù Cristo, Tu lo sai:
egoisti e ignoranti
ne han fatti di macelli,
col sangue dei poveri
hanno lordato tutto
e i delitti e le torture
continuano ancora
e si uccide la gente
per lo sporco interesse.

Era meglio se quella volta
la facevi finita,
se tutta quella gentaglia
l' avevi punita!
Se ogni volta che un uomo
assassina un fratello
lo facessi morire subito
prima che alzi il coltello!
Se ogni volta che nasce
un cristianaccio delinquente
lo facessi andar subito
nel mezzo del cimitero!

Ma siccome sei troppo buono
questi lavori non li fai.
...Faremo da soli,
se ci dai il tuo parere:
contro l'odio,la guerra,
contro le iene e i leoni,
uniremo le nostre forze,
non faremo più i minchioni.
E se loro intendono
di mandarci in rovina...
...e se vogliono del nostro pelo...
ci daranno della loro lana!