(Il Trebbo)
(I Nonni)
Note: La riproduzione dei file audio non è supportata per Internet Explorer 8 e versioni precedenti.
Adèss e mi Trèbb un n'è gnént:
L'è sôl una ca' bandunèda.
Puté turnè indrìa d'zinquènt'ànn
t'avdrést a la séra,
a e spràj d'una lôma a petrôli
int e nìr dla cusèna,
una vècia ch'la fìla la cànva
invrucéda int la rôcca,
ch'la s'spuda int al dìdi
sécchi, rôvdi, indulìdi,
a fôrza ad frulé tôrna e fùs,
a fôrza ad tiré 'te cavèçç...
O nòna, o pôra Santèna!
T'n'è guàst dal manèli,
t'n'è fàtt 'na gran màssa d'chi fùs,
di canéll e di ghèfal,
t'n'è 'vù dla pazìnzia
a tèss tött chi tìl,
a imbianchèj cun la zèndra
e cun l'aqua bulìda,
a stèndi m'e sôl,
ma la guàza!
E intènt che t'filéva
t'cuntèva la fôla de gàtt
che l'andèva a la véggia:
"Par strèda e gatìn e cantèva:
"e paréva ch'l'andèss a la fèsta,
"u s'éra lissé tött e pél,
"u s'èra pitnè la cudìna:
"Talalô, talalô, talalô
"L'arvéva cuntènt e inligrì
"a ca' dla murôsa
"e pö u la ciamèva:
"Manghèna! Manghèna!
"E lìa, cun la vôsa un pô bàssa,
"la i géva da drìa la battiôla:
"L'è ancôra sö i mì,
"l'è ancôra sö i mì!
"E pôvar gatìn scunsulè,
"a côda bàssa,
"e turnèva vérs ca'
"e u s'lamantèva:
"La n'm'ha vlù,
"la n'm'ha vlù....
"E l'andèva a durmì 't la cantèna".
"O nòna," mé a t'géva,
"racòntumla ancôra!"
E vènt sö pr'e bùs de camén
e mugiéva....
E nòn e raviéva la brèsa,
e spustèva i cavdùn
e l'alzèva la fiàmba
e dòp, s'un batèch infughì,
e zandéva la péppa
e da sòtta e ridìva....
Adèss e mi Trèbb un n'è gnént:
l'è sôl una ca' bandunèda
parò, tra chi sàss ramassé,
u j éra du véçç törna e fùgh,
u j éra un burdèll ch'u s'ccaldèva!
Adesso il mio trebbo non è nulla:
E' solo una casa abbandonata.
Poter tornare indietro di cinquant'anni
vedresti la sera,
al barlume di una lucerna a petrolio
nel nero della cucina,
una vecchia che fila la canapa
avviluppata nella rocca,
che si insaliva le dita
secche,ruvide, indolenzite,
a forza di frullare attorno al fuso,
a forza di tirare nel capecchio...
O nonna, o povera Santina!
ne hai disfatte di mannelle,
ne hai fatti tanti di quei fusi,
di cannelli e di gomitoli,
ne hai avuto di pazienza
a tessere tutti quei teli,
a imbiancarli con la cenere
e con l' acqua bollente,
a stenderli al sole,
alla guazza!
E intanto che filavi
raccontavi la favola del gatto
che andava alla veglia:
"Per strada il gattino cantava:
sembrava che andasse alla festa,
si era lisciato tutto il pelo,
si era pettinato la codina:
Talalô, talalô, talalô
Arrivava contento ed allegro
a casa della "morosa"
e poi la chiamava:
-Manghèna! Manghèna!-
E lei con la voce un po' bassa,
gli diceva da dietro il saliscendi:
-sono ancora alzati i miei,
sono ancora alzati i miei!-
Il povero gattino sconsolato,
a coda bassa,
ritornava verso casa
e si lamentava:
-non mi ha voluto,
-non mi ha voluto....
E andava a dormire nella cantina".
O nonna ti dicevo
"raccontamela ancora!"
Il vento su per la cappa del camino
ululava....
Il nonno ravvivava la brace,
spostava gli alari
ed alzava la fiamma
e dopo, con un bacchetto infuocato ,
accendeva la pipa
e da sotto rideva....
Adesso il mio trebbo non è nulla:
è solo una casa abbandonata:
però, tra quei sassi ammucchiati,
c'eran due vecchi attorno al fuoco,
c'era un bambino che si scaldava!