DIALETTO

Al paruchièni a gli éra sudisfàti:
t'cìrta e pàruch piö bèl e piö prestènt,
al zôvni e al spôsi li dvantèva màti
e al t'adurèva piö de Sacramènt.

Soltènt cal vèci, ch'a l'n'avéva i dènt,
al pruvèva l'invigia d'véli fàti
cun e pôr prìt, che l'éra intraprendènt,
mo un n'éra gnénca dègn dal tu zavàti.

Te, che t'sintìva töta st'atenziòn,
t'andèva via sèmpar tött lissé,
sènza la cèrga, sènza e sutanòn,

cun i cavéll tött imbrilantiné
e par la Mèssa e par la Bandiziòn
cal dòni li s'mitéva a suspiré.

Me a t'avdétt una vôlta a un funerèl,
ch'l'éra mört, te lavôr, un pôr zuvnòtt
e tött la zènta la s'sintìva mèl
da e dispiasé ch'u z'éva ormàj distrött.

Te, tött cuntènt, t'sunèva e Kirièl
e t'cantèva in latèn i tu masgött,
e paréva che t'géss: "Cùm a so bèll!"
e paréva t'andèss a cul a tött.

T'faséva i gargarìsum cun la vôsa,
ta t'dèva agli àrij ad l'ès un cantarén,
ta n't'cumuvìva, ta t'mitìva in pôsa

cumpàgna una putèna de casén!
E che pôr Crést ch'l'éra lassö int la crôsa
e scruléva la tèsta sötta i spèn.

Adèss la gàja la t'è andèda via,
i cavéll ondulè j è culôr d'néva
e cla pôrca dla vciàja la t'dà drìa
e la t'fréga al belézzi che t'avéva.

Ma t'pìns ancôra quante drìa la séva
t'spieghèva la dutrèna a la Marìa
o senò ma cal vôlti che t'putéva
ingavagnè una spôsa in sacristìa.

Adèssa t'cì Canònich int e Dòm,
t'vé via drétt ch'u n't'pènd ancôra un fìl
e ta t'dé sèmpra agli àrij de galliòn,

ma u t's'è ruznì la càna de fucìl
e t'é finì tött al sudisfaziòn...
Però, ogni tènt, quant u l'permétt e zìl,

t'vé a visité quèlca galèna vècia
ch'la t'fèva agli òvi sötta e campanìl.

ITALIANO

Le parrocchiane erano soddisfatte:
eri il parroco più bello e prestante,
le giovani e le spose diventavano matte
e ti adoravano più dei sacramenti.

Soltanto le vecchie, che non avevano più i denti,
provavano l'invidia d'averlo fatto
con il povero prete, che era intraprendente,
ma non era degno nemmeno delle tue ciabatte.

Tu, che sentivi tutte quelle attenzioni,
andavi via sempre tutto tirato,
senza la chierica, senza il sottanone
con i capelli tutti imbrillantinati
e per la Messa e per la benedizione
quelle donne si mettevano a sospirare.

ti vidi una volta ad un funerale,
che era morto, sul lavoro, un povero giovanotto
e tutta la gente si sentiva male
dal dispiacere che li aveva ormai distrutti.

Tu, tutto contento, suonavi il Kiriel
e cantavi in latino, i tuoi masgotti
e sembrava che dicessi: "Come sono bello!"
e sembrava tu andassi in culo a tutti.

Facevi i gargarismi con la voce,
ti davi le arie di essere un canterino,
non ti commuovevi, ti mettevi in posa

come una puttana da casino!
E quel povero Cristo che era su nella croce
scuteva la testa sotto le spine.

Adesso la gazurla ti è andata via,
i capelli ondulati son color della neve
e quella porca della vecchiaia ti insegue e ti frega le bellezze che avevi.

Ma pensi ancora quando dietro la siepe
spiegavi la dottrina alla Marìa
oppure a quelle volte che potevi
incantonare qualche sposa in sacrestia.

Adesso sei Canonico al Duomo,
vai via dritto che non ti pende nemmeno un filo
e ti dai sempre delle arie da galletto,

ma ti si è arrugginito il fucile
e hai finito tutte le soddisfazioni...
Però ogni tanto, quando lo permette il cielo,

vai a visitare qualche gallina vecchia
che ti faceva le uova sotto al campanile.