DIALETTO

S'vùt ch'a t'déga, dutôr,
cun tre visiti apèna
ta m'é trôv la madgèna
t'é mand via e dulôr.

L'éra un pèzz ch'a stantèva:
l'éra quatr' o zéncv mìs
e i tu amìgh, indecìs,
i pruvèva, i pruvèva,

mo i n'arvéva a capì
e i n'truvèva la cura
Me a j avéva paura
e u m'tuchèva sufrì.

Te t'é vést e mi mèl,
t'm'é prescrétt un ziròtt
ed in quatr' e quattr'òtt
t'é guarì tött gniaquèll.

Vìt, e mèl a ne sènt
e a t'ringrézi dabòn,
mo parò a j ho un magòn
e a n'so ancôra cuntènt.

Ta m'diré: "Csèl t'é fatt?
Tan n'é détt t'cì guarì?
Un n'è försi sparì
e malànn? Tan t'cì 'rfàtt? "

S't'vù savé la rasòn
ad sté mèl ch'a j ho 'dèss:
un n'è un mèl da curéss
cun la ghèrza e e' cutòn.

Ta m'l'é làss té, int la sàca,
sté malàzz sciaguré
e che dé ch'a t'paghè
ta m'lassè cmè un patàca.

Int la tu professiòn
e vèl piö dö ucèdi
ch'a n'è quàtar zurnèdi
ad sté pôvar quajòn.

No fa chès ai giurnél
e a la " cronaca biènca ":
s'i svalìsa una bènca,
un n'è quéll tött e mèl,

parchè, pö, in fônd in fônd,
i tö i sùld indù ch' j è:
j è di gran sciagurè,
a capéss: mo int e mònd

u j n'è d'jìt che fa mèl,
chi cumbèna i delétt
e j arvéna i purétt
't un sistema leghel.

Mé ha so stè furtunè
ch'a m'so'rfàtt a la svélta
e a vòj créd ch'u n'um sélta
e bisögn d' arturnè:

parchè Dio s'u n'm'ajùta
a guarìm t'un momènt,
ta m'fé vnì un azzidènt
par curém la salùta!

ITALIANO

Cosa vuoi che ti dica, dottore,
con tre visite appena
mi hai trovato la medicina,
hai scacciato il dolore.

Era un pezzo che stentavo:
erano quattro o cinque mesi
e i tuoi colleghi, indecisi,
provavano, provavano,

ma non arrivavano a capire
e non trovavano la cura.
Io avevo paura
e dovevo soffrire.

Tu hai visto il mio male,
mi hai prescritto un cerotto
ed i quattro e quattr' otto
hai guarito tutto.

Vedi, il male non lo sento
e ti ringrazio davvero,
però ho un magone
e non sono ancora contento.

Mi dirai: "cos'hai fatto"?
Non hai detto che sei guarito?
Non è forse sparito
il malanno? Non ti sei rifatto? "

Se vuoi sapere la ragione
di questo male che ho adesso:
non è male da curarsi
con la garza e il cotone.

Me l' hai lasciato tu in tasca,
questo malaccio sciagurato
e quel giorno che ti pagai
mi lasciasti stupito.

Nella tua professione
valgono più due occhiate
che quattro giornate
di questo povero minchione.

Non far caso ai giornali
e alla "cronaca bianca ":
se svaligiano una banca,
non è quello tutto il male,

perchè, poi, in fondo in fondo,
prendono i soldi dove sono:
sono dei grandi sciagurati,
capisco: ma nel mondo

ce ne sono altri che fan male,
che combinano i delitti
e rovinano i poveri
in un sistema legale:

Io sono stato fortunato
che sono guarito alla svelta
e voglio credere che non mi salti
il bisogno di ritornare:

perchè Dio se non mi aiuta
a guarirmi in un momento,
mi fai venire un accidente
per curarmi la salute!