I z'ha cuntè che Dio int la Creaziòn
dòp ch'l'avétt dè la fôrma a tött e mònd
e'fè la tèra, e sôl e al stèli intond,
e mité l'ördin int la cunfusiòn
e pö e furmè un bambòzz in quàtar sgònd
cun d'l'aqua, cun d'la tèra e de purbiòn
e u s'n'adasé ch'l'avéva fàtt un òm:
u j dasé un söffi e u l'fè ziré pr'e mònd.
Te, Mario, t'hé imparè da e Pèdr'Etéran:
basta t'épa un po' d'aqua e un po' d'paltén
ta t'métt a lavurèj cun al tu mén
e t'fé d'la ròba ch'la vivrà in etéran.
J öman e j animéli j è d'na tèmpra
ch'i pàsa cmè un balén e pö i sparéss,
té ta ja fìrm un àtum e ta l'féss
e int i tu brönz u j rastarà par sèmpra!
I z'ha cuntè che Dio int la Creaziòn
dòp ch'l'avétt dè la fôrma a tött e mònd
e'fè la tèra, e sôl e al stèli intond,
e mité l'ördin int la cunfusiòn
e pö e furmè un bambòzz in quàtar sgònd
cun d'l'aqua, cun d'la tèra e de purbiòn
e u s'n'adasé ch'l'avéva fàtt un òm:
u j dasé un söffi e u l'fè ziré pr'e mònd.
Te, Mario, t'hé imparè da e Pèdr'Etéran:
basta t'épa un po' d'aqua e un po' d'paltén
ta t'métt a lavurèj cun al tu mén
e t'fé d'la ròba ch'la vivrà in etéran.
J öman e j animéli j è d'na tèmpra
ch'i pàsa cmè un balén e pö i sparéss,
té ta ja fìrm un àtum e ta l'féss
e int i tu brönz u j rastarà par sèmpra!